Cansat 2022
CanSat é unha iniciativa da Axencia Espacial Europea que desafía a estudantes de toda Europa a construír e lanzar un mini satélite do tamaño dunha lata de refresco. O gran desafío para eles é adaptar todos os subsistemas principais que se atopan nun satélite, como a fonte de enerxía, os sensores e os sistemas de comunicación, no volume e a forma dunha lata de refrescos, un espazo moi pequeno.
Logo, o CanSat é lanzado por un foguete ata unha altitude de aproximadamente un quilómetro, ou se deixa caer desde unha plataforma, un dron. Entón comeza a súa misión. Durante a caída realízase un experimento científico e / ou unha demostración tecnolóxica, lograr unha aterraxe segura e analizar os datos recompilados.
- Fase 1 – Imaxina o tu CanSat: Inscricións
- Fase 2 – Constrúe teu CanSat: Misión primaria y secundaria
- Fase 3 – Lanza o teu CanSat – Competición Rexional (Galicia)
- Fase 4 – Lanza o teu CanSat – Competición Nacional
- Fase 5 – Competición Europea
A inscrición está aberta a equipos coas seguintes condicións:
- Cada equipo de estudantes deberá estar formado por un mínimo de 4 e un máximo de 6 estudantes (de entre 14 e 19 anos) residentes nun estado membro ou nun estado asociado da ESA, sempre que cumpran un dos seguintes requisitos:
- Ser un equipo formado por estudantes matriculados nun curso completo dun centro de ensino secundario.
- Ser un equipo formado por estudantes escolarizados en casa (con certificación do ministerio nacional de educación ou unha autoridade delegada).
- Ser un equipo de membros dunha asociación (vinculados a espazos maker ou museos de ciencia, planetarios etc.) matriculados nun curso completo dun centro de ensino secundario.
- Polo menos o 50% dos estudantes que conformen cada equipo deberá ter a nacionalidade dun estado membro ou asociado da ESA.
- Os estudantes universitarios ou de formación superior non poderán participar neste concurso.
- Cada equipo deberá estar supervisado por un docente ou mentor/a ( Team Leader) que se encargará de seguir a evolución técnica do equipo, de axudar e asesorar, ademais de actuar como persoa de contacto entre o equipo e a Oficina de Educación da ESA en España ( ESERO Spain). Este docente responsable deberá estar dispoñible para acompañar ao equipo á campaña de lanzamento do concurso.
- Se o centro de ensino necesita que o alumnado vaia acompañado por máis dun docente ou mentor, o equipo participante deberá presentar probas fidedignas diso. Con todo, a cantidade total de participantes non debe exceder de sete persoas.