Encantamentos de biblioteca – Boimorto
Promoción e difusión da lectura con maxia saída dos libros.
Promoción e difusión da lectura con maxia saída dos libros.
O martes 10 de outubro, na Biblioteca Municipal de “O Froxel” Fco.A.Vidal no Concello de Arteixo, tivo lugar o obradoiro Perder o medo a través da poesía a cargo de María Canosa.
O obradoiro de María Canosa, foi unha sesión de narración na voz dunha nena (a propia autora) que tiña pequenos temores, pero que aprendeu a expulsalos lembrando poesías.
Cada un dos poemas trata sobre un dos medos que normalmente afectan á infancia (escuridade, trekking, pallasos, médicos …), ao final dos cales, móstranse os motivos polos que este pánico debe ser
eliminado. Foi unha sesión moi amena que fixo disfrutar a nenos e maiores.
FÁTIMA FERNÁNDEZ chega a biblioteca de Sober cunha maleta chea de contos, que vai sacando e mostrando aos asistentes.
Consideramos importante que veña con contos e que os mostre, explicando a súa procedencia e lugar de orixe.
Uns contos preciosos e que son contados con moita arte.
Excelente contadora, que logra atraer e captar a atención dos asistentes ; formouse un bo ambiente na biblioteca, relaxado e atento a narración.
O luns 9 de outubro, na Axencia de Lectura Municipal de Ribadetea no concello de Ponteareas, tivo lugar o contacontos Historias doces e salgadas contadas por Fátima Fernández. Actividade realizada para conmemorar o Día das Bibliotecas (24 de outubro).
Unhas historias eran doces e outras salgadas pero en conxunto rimos, cantamos, tivemos algo de medo…
O pasado venres 6 de outubro, tivemos en Domaio á compañía Xarope Tulú con “A falta de pan, bos son contos”.
Foi unha sesión moi amena na que, Atenea, coa súa divertida interpretación de contos, adiviñas e refráns, fixo disfrutar a nen@s e maiores.
Podes escribir un conto só cunha única vogal? Unha pequena caixiña contén tódalas personaxes dun conto? Cal é o conto máis longo do mundo? E o máis curto? As respostas deunolas Pablísimo co seu Contiario, unha sesión de contos chea de orixinalidade e moitas risas que tivemos o pracer de ver este martes 10 de outubro na Biblioteca Manuel María de Oleiros
Fran Campos e Filipa fixéronnos pasar onte unha tarde moi divertida, chea de música, contos e risas co seu espectáculo “Filipa e os contos”.
Ademais de cantar entre todos aprendemos sobre a vida de Carlos Casares e a súa obra infantil.
A Biblioteca municipal de Boqueixón acolleu o pasado venres a actividade “O mago Antón ten moito conto”A a actividade constou de dúas partes, na primeira, desenvolveuse o obradoiro no que a rapazada tivo que realizar sinxelos elementos para realizar trucos de maxia e, unha segunda parte na que o Mago Albert desenvolveu toda a súa profesionalidade contando coa colaboración dos/-as asistentes.
O xoves 5 de outubro recibimos na nosa biblioteca a Juan de Ciencia en Ruta, quen nos contou moitas cousas interesantes sobre os inventores dos submarinos e dos principios que fan que o submarino poda mergullarse e volver a flotar na auga.
Ademais nos contou unha historia no kamishibai na que nos presentou ao capitán de submarinos máis famoso da literatura: O capitán Nemo.
Pero a parte mellor a reservou para o final da sesión, xa que nenas e nenos se divertiron moito facendo en grupos submarinos que fixeron flotar e sumerxirse varias veces.
A actividade foi moi divertida para os participantes.
“Os contos do chupete”, este venres pasado fixeron rir e cantar aos nenos de 0 a 3 anos e aos papas con Migallas Teatro. Contos de sempre con música e bo humor. Excelente actuación para un público moi esixente e que o pasou en grande.
Séguenos