Galicia é unha comunidade con zonas rurais moi pronunciadas, case todas elas cunha orografía complexa e pronunciada que, en ocasións, fai complicado que as comunicacións dixitais cheguen nas mellores condicións. Para mellorar esta situación, a Xunta de Galicia convocou este ano unha nova serie de subvencións para empresarios e pemes para axudar á instalación de conexións de banda longa ultrarrápida en zonas illadas do rural.
A convocatoria destas axudas pódese consultar na publicación do DOG, estando o importe destas entre os 2.000? e os 20.000? buscando sempre financiar a instalación do 100% da conexión que se necesite. Esta subvención está cofinanciada ao 75% polo Fondo Europeo Agrícola de Desenvolvemento (FEADER) é o 11 de maio é o derradeiro día para solicitalas.
Se estás interesado en solicitar esta axuda, un dos requisitos que debes cumprir é non ter acceso a redes de banda longa de polo menos 30 megas e ter contratado o alta que se instale coa axuda durante polo menos un ano.
Esta actuación é a segunda do Plan de Banda Longa de Galicia 2020, o cal comezou en xullo do ano pasado conectando 81 polígonos industriais das catro provincias galegas a redes de ata 350 megas, complementando o parobado o 1 de outubro de 2015 polo Consello da Xunta que busca garantir unha cobertura de banda longa de polo menos 30 megas para a totalidade e a poboación e impulsar a contratación en fogares de servizos de banda longa por encima dos 100 megas.