Estamos na época das tecnoloxías e, aínda que non o vexamos, o noso día a día está rodeado por sistemas creados para mellorar as nosas vidas. Estes sistemas teñen moitas características, pero para que as teñan sempre tivo que haber alguén detrás deseñando e programando estes tipos de comportamentos. Por iso, saber programación é un coñecemento que se vai a volver básico co paso dos anos.
Programar é unha actividade que está ao alcance de todo o mundo, só necesitamos un pouco de pensamento lóxico e dedicarlle as horas necesarias a aprender a linguaxe de programación que desexemos. Pero para facer este aprendizaxe un pouco máis accesible, e alcanzable, podemos optar por bolsas como a que Udacity e Google lanzaron recentemente: 75.000 bolsas para todo tipo de persoas que queiran aprender a programar.
O prazo para aplicar polas primeira 60.000 axudas que forman parte do Scholarships Challenge xa está aberto, é un proxecto creado para ofrecer cursos tanto para principiantes como para programadores máis avanzados.
Podes aplicar por unha das bolsas se vives na Unión Europea, Rusia, Exipto Turquía e Israel e tes polo menos 18 anos. O programa inclúe cursos de desenvolvemento web e para Android.
A inscrición farache preguntas sobre a túa dispoñibilidade de horas para dedicar ao programa e se actualmente tes traballo. Tamén solicitan o teu perfil de LinkedIn, se tes un. Hai un cuestionario de coñecementos que debes encher como prerrequisito para os programas máis avanzados e tamén un cuestionario sobre as túas metas co programa.
As prazas dispoñibles están divididos en dous programas. Dos 30.000 dispoñibles para os cursos de desenvolvemento web, 20.000 son para principiantes e 10.000 son para programadores con experiencia.
Todos ofrecen tres meses de acceso ao contido dos cursos, ademais do soporte dos mentores de Udacity. Se destacas e es un dos 3.000 estudantes ao tope da clase, entón serás premiado cun Nanodegree de Udacity, que son cursos especializados moito máis longos e completos.
Tes ata o 15 de outubro de 2017 para optar por unha das bolsas, se es elixido serás notificado o 30 de outubro e os cursos comezan o 6 de novembro de 2017.