Tecnoloxía do futuro presente: un brazo mecánico por menos de 100 dólares

Cando falamos dun exo-esqueleto seguro que nos vén á cabeza imaxes como a de Iron Man, con máquinas que nos protexen e que funcionan co noso propio movemento. Aínda que estamos lonxe de coseguir ser Tony Stark, aos poucos vaise conseguindo avanzar no mercado das próteses mecánicas. E o caso de hoxe é un claro exemplo diso: un brazo mecánico por menos de 100 dólares.

Este brazo mecánico está a ser desenvolvido por dous mozos eslovenos e baixo o nome de ExoArm escóndese unha idea moi interesante: crear unha prótese mecánica de baixo custo. Segundo eles, este brazo custaría pouco máis de 100 dólares, e permitiría levantar uns 10 quilos á persoa que o use, permitindo así á persoa que o utilice, realizar cargas de peso que antes non podía.

No mercado actual, este tipo de mecanismos teñen prezos de 5 e 6 cifras normalmente polo que como conseguen estes mozos un prezo tan axustado? Polos compoñentes que utilizan. Entre eles hai placas de aluminio, un Arduino Uno / Nano (un sistema moi barato de computación), un motor de limpiaparabrisas de coche, un sensor muscular e unha batería de 550 mAh.

O proxecto está aínda en desenvolvemento e, como podemos ver no vídeo, por agora só é capaz de moverse cara abaixo, pero os mozos eslovenos esperan que engadindo un novo sensor, o brazo poida axudar a persoas maiores e a xente que o necesita a levantar diferentes tipos de pesos. O mellor de todo é que o deseño vai estar a disposición de todo o mundo, polo que calquera desde a súa casa pode reunir os materiais e, cos coñecementos adecuados, facerse un ExArm propio.

Deixa unha resposta

O teu enderezo electrónico non se publicará Os campos obrigatorios están marcados con *

En cumprimento do disposto no artigo 5 da Lei Orgánica 15/1999, do 13 de decembro, de protección de datos de carácter persoal infórmaselle que os datos persoais que facilite neste formulario quedarán rexistrados nun ficheiro de titularidade da Xunta de Galicia, cuxa finalidade é a xestión e rexistro deste procedemento. A persoa interesada poderá exercer os dereitos de acceso, rectificación, cancelación e oposición ante a Axencia para a Modernización Tecnolóxica de Galicia, como responsable do ficheiro, solicitándoo mediante o envío dun correo electrónico a lopd@xunta.es.