Xa temos definido o 5G, o novo estándar para comunicacións sen fíos

Cando falamos de velocidades sen fíos, a miúdo atopámonos con produtos definidos a base de márketing que, na maioría de ocasións, só están para vender e non para saber realmente o que imos ter finalmente entre as mans.

Unha desas velocidades que se vendeu máis que explicouse o que era é o 5G, o novo banzo na escaleira das velocidades sen fíos que imos ver nos próximos meses. Esta semana publicáronse as especificacións, así que xa coñecemos realmente como vai ser a próxima velocidade que poderemos gozar nos nosos dispositivos.

A 3GPP, a organización internacional que rexe os estándares de comunicación móbil, aprobou o estándar e as especificacións finais para o 5G na súa versión  New Radio (NR). É dicir, o 5G que será independente e que non se apoiará en redes existentes.

Este novo estándar 5G NR, ou standalone, permitirá ter novas implementacións en zonas e rexións onde non hai infraestrutura, é dicir, redes que se constrúen desde cero e que serán 5G desde un inicio. Isto significa que estamos por primeira vez ante as especificacións para unha rede 5G real e funcional.

A partir de agora, as compañías e membros da industria xa poderán basearse en regras oficiais para a fabricación de hardware, infraestrutura, chips,  módems,  smartphones e antenas que serán compatibles con 5 G. Todo para as primeiras implementacións en 2020. Aquí tamén hai que estar atentos á poxa e licitación de frecuencias, que agora ao ter definido o estándar os gobernos poderán poñer ao choio, e así poder acelerar o despregamento do 5G en cada un dos países.

Deixa unha resposta

O teu enderezo electrónico non se publicará Os campos obrigatorios están marcados con *

En cumprimento do disposto no artigo 5 da Lei Orgánica 15/1999, do 13 de decembro, de protección de datos de carácter persoal infórmaselle que os datos persoais que facilite neste formulario quedarán rexistrados nun ficheiro de titularidade da Xunta de Galicia, cuxa finalidade é a xestión e rexistro deste procedemento. A persoa interesada poderá exercer os dereitos de acceso, rectificación, cancelación e oposición ante a Axencia para a Modernización Tecnolóxica de Galicia, como responsable do ficheiro, solicitándoo mediante o envío dun correo electrónico a lopd@xunta.es.