Quen dixo que as LAN Parties están mortas? O vindeiro fin de semana celébrase en Santiago na Cidade da Cultura de Galicia o Gaiás Gaming 2016, unha festa que mestura tecnoloxía, actividades de ocio e mocidade ao longo de tres xornadas.
Máis aló das actividades tradicionais deste tipo de eventos, o Gaiás Gaming terá unha zona de concertos, unha zona infantil e mesmo actividades ao aire libre como poden ser unha tirolina, unha pista de paintball, e xogos tradicionais galegos (chave, ra e petanca).
Actividades e Relatorios
O programa de actividades recolle o concurso “Rapaciños”. Este concurso consiste no desenvolvemento dun Story Telling sobre o Día das Letras Galegas, utilizando a ferramenta Scratch (https://scratch.mit.edu).
Como presentarse?bFormando un grupo mixto de entre 6 e 8 alumnos e alumnas e un docente. Os grupos deberán estar compostos por alumnado do mesmo centro . Cada centro pode presentar varios proxectos. Cada alumno/a só pode pertencer a un grupo e proxecto
A tecnoloxía tamén ten o seu espazo dentro dos relatorios, da man de profesionais como Álvaro Gómez Vieites, Alberto Campos Viqueira ou Juan Gestal.
Especialmente interesantes son, para os asiduos a este tipo de eventos, os torneos dos videoxogos:
- Counter Strike Global Offensive(con premios de 400, 250 e 100 euros para os tres primeiros equipos)
- League of Legends(con premios de 400, 250 e 100 euros para os tres primeiros equipos)
- StarCraft II(con premios de 200 e 100 euros para os dous primeiros xogadores)
- HeartStone(con premios de 100 e 50 euros para os dous primeiros xogadores)
- FIFA 16(con premios de 100 e 50 euros para os dous primeiros xogadores).
Durante o sábado 14 a música tomará protagonismo no Gaiás Fest; a partires das 18:00 horas e até a madrugada ofrecerá música en directo.
Prezo das entradas
O prezo das entradas varía en función das actividades ás que te apuntes. Os concertos son accesibles por tan so 6€, 30€ para a entrada xeral (20€ se tes o Carné Xove en vigor) ou 50€ para a entrada VIP (40€ con Carné Xove), que incluría: Acceso Participante LANParty, Descenso Premium En Tirolina, Ronda De Paintball, Camiseta Gaiás Gaming 2016 e Acreditación Conmemorativa 1ª Edición De Metacrilato.
Máis info: Gaiás Gaming