, ,

Guía práctica | WordPress ou Blogger?

webrivas_com

Imaxe webrivas.com

Despois de falarvos de Facebook, Twitter, Google +, Linkedin, Youtube, Vimeo, Instagram, Flickr, Tripadvisor, minube, etc., chega o momento de adentrarse no universo dos blogs, ferramenta fundamental para a creación da marca persoal. Por que incluímos este post na categoría de guías prácticas de social media? Porque social media ou medios sociais son os blogs e redes sociais nos que creamos e compartimos contido de interese.

Comezamos comparando características de dúas das plataformas máis populares: wordpress.com (non confundir con wordpress.org do que vos falaremos máis adiante) e Blogger. Haberá tempo e posts para explicarvos o seu funcionamento.

BLOGGER

  • Ferramenta que vos permite contar cun blog persoal de maneira gratuíta.
  • Poucas plantillas para escoller e pouco editables.
  • Non temos que ceder espazo para anuncios polos que non recibimos nada a cambio.
  • É doado engadir e organizar gadgets para interaccionar en redes sociais a través do blog, por exemplo.
  • Podemos monetizar a actividade no blog a través de Google Adsense.
  • Blogger é un servizo de Google co que iso implica para o posicionamento do noso blog.
  • O deseño responsivo ou adaptado aos dispositivos móbiles é unha das tarefas pendentes de Blogger.

WORDPRESS

  • Non estades afeitos a traballar con xestores de contido online? WordPress é, sobre todo, moi doado de usar.
  • Permítenos aloxamento web gratuíto.
  • Podemos empregar un dominio propio polo que teremos que pagar unha tarifa anual.
  • Podemos escoller entre moitas plantillas pero non podemos editalas todo o que nos gustaría.
  • Non sodes capaces de imaxinar a cantidade de widgets que podedes engadir para contar con novas funcionalidades; para posicionamento, idiomas, melloras de deseño, etc.
  • O software actualízase automaticamente.
  • Que non vos extrañe se aparecen anuncios cos que non contabades.

Para escoller entre unha e outra debedes responder á pregunta de se o voso é un blog persoal ou profesional; WordPress é a opción máis recomendable se buscades un espazo no que desenvolver o voso perfil profesional.

Fonte: http://somosinapsis.com/

1 comentario

  1. Pingback: Guía práctica | Pasos para a creación da marca persoal - Xente Dixital

Deixa unha resposta

O teu enderezo electrónico non se publicará Os campos obrigatorios están marcados con *

En cumprimento do disposto no artigo 5 da Lei Orgánica 15/1999, do 13 de decembro, de protección de datos de carácter persoal infórmaselle que os datos persoais que facilite neste formulario quedarán rexistrados nun ficheiro de titularidade da Xunta de Galicia, cuxa finalidade é a xestión e rexistro deste procedemento. A persoa interesada poderá exercer os dereitos de acceso, rectificación, cancelación e oposición ante a Axencia para a Modernización Tecnolóxica de Galicia, como responsable do ficheiro, solicitándoo mediante o envío dun correo electrónico a lopd@xunta.es.