Nunca te preguntaches como caza un oso nas montañas de Alaska? Ou de que maneira constrúen os castores os seus niños? Pois agora grazas a Google poderemos satisfacer a nosa curiosidade, xa que a través de Google Earth e por medio da plataforma Voyager veremos vídeos en directo gravado en paraxes e lugares do planeta.
O primeiro recuncho que poderemos ver a través desta novidade de Google Earth será o Parque Nacional Katmai de Alaska, onde unha rede de cámaras nas cataratas Brooks permitiranos ver se hai osos gozando da auga ou como supera a auga todos os seus obstáculos, e todo iso en directo.
Para gozar destas imaxes temos que ter instalado Google Chrome e seguir esta ligazón, o cal nos levará á plataforma Voyager onde poderemos ver ata 5 cámaras en directo situadas estratexicamente no parque natural.
Google promete que nos próximos meses poderemos ver novos lugares do mundo, pero todos sabemos que non valerá a pena ata que haxa cámaras nos Ancares e déixennos ver aos urogallos en todo o seu esplendor, non si?