Instagram é unha das redes sociais que máis crecemento tivo nos últimos meses. Nestes últimos tempos, a aplicación agora pertencente a Facebook estivo dando pasos para monopolizar o mercado dos creadores de contido. Primeiro foron as fotografías, daquela as stories e agora, atrévense cos vídeos de longa duración co lanzamento de IGTV.
Que é IGTV?
IGTV é o novo ecosistema que Instagram preparou para que os usuarios cren contido en formato de vídeo centrado no consumo a través do teléfono móbil. Así, IGTV é agora unha parte da aplicación de Instagram (podémolo atopar na sección de “Descubrir”) pero tamén é unha aplicación aparte se queremos dedicarnos a subir vídeos creados por nós.
Que diferencia a IGTV do resto de apostas?
Aínda que Instagram ten un pasado de copiar sistemas doutras aplicacións, IGTV é unha aposta completamente nova xa que se centra no consumo de vídeos a través do móbil. Así, os vídeos serán todos en formato vertical e a duración dos mesmos non excederá a hora.
O importante é que esta nova plataforma, que se integra na aplicación de Instagram, permitirá aos creadores monetizar os seus contidos de maneira similar ao que está a facer YouTube. Desta maneira, Instagram quere con IGTV ter parte do pastel da nova fornada de usuarios creativos que queren expresarse a través de vídeos subidos á rede.
Como descargo IGTV?
A plataforma IGTV está integrada dentro de Instagram, polo que se só queres ver os vídeos que se suban podes facelo tan só actualizando. Se queres crear a túa propia canle en IGTV, a aplicación está dispoñible para iOS e para Android desde o mesmo día do seu anuncio