AGASOL e Amtega organizan colaboraTIC.gal, unha xornada para difundir entre o sector empresarial o software libre e as posibilidades de colaboración e novas vías de financiamento para proxectos que empreguen tecnoloxías libres.
O encontro terá lugar o 17 de xuño na Sala Eisenman da Cidade da Cultura e constará de dúas partes:
A primeira parte da xornada, “vén escoitar”, centrarase na difusión novos modelos de traballo entre o eido das tecnoloxías abertas e outros sectores empresariais
A segunda parte da xornada, “vén falar e intercambiar”, terá formato de speed-dating e está dirixido a empresas e profesionais con interese en coñecer e explorar novas vías de colaboración empresarial grazas ao software libre.
Vén escoitar
A xornada de mañá estará reservada para a celebración de diferentes mesas de experiencias na que se presentarán boas prácticas e casos de éxito de colaboración empresarial tratando temas como: as relacións cliente-proveedor, casos de éxito; cooperativismo e swl; modelos alternativos de financiamento de proxectos e modelos de colaboración empresariais e comunidade de swl.
A asistencia a esta parte é totalmente gratuíta e está aberta ao público en xeral previa inscrición, condicionada unicamente ao aforo dispoñible e pode realizarse a través do enlace: http://colaboratic.gal/
Vén falar e intercambiar
A xornada de tarde está reservada para o speed-dating de cara a favorecer encontros entre empresas centradas no software libre e outros eidos do tecido empresarial (industrial, deseño, agro-gandeiro, pesqueiro, etc).
Só poderán asistir ao speed-dating aquelas empresas/proxectos seleccionados de entre as solicitudes recibidas.
ColaboraTIC.gal é un espazo onde ver, escoitar e amosar experiencias de colaboración entre os eidos das tecnoloxías abertas e o tecido empresarial. O obxectivo é fomentar a participación e o pensamento lateral das empresas participantes para o seu impulso tecnolóxico.