O Instituto Galego de Consumo, da Consellería de Economía, Emprego e Industria, pon en marcha en marzo un ciclo de charlas informativas dentro do programa CORES de Educación para o Consumo Responsable, que se retransmitirán por videoconferencia en vinte aulas da rede CeMIT.
Son catro sesións que comezarán o luns 7 de marzo e se celebrarán os primeiros luns de cada mes ata xuño. Cunha duración aproximada de hora e media están orientadas ao público en xeral e abordarán temas de actualidade como a resolución de conflitos de consumo, a linguaxe publicitaria, a etiquetaxe dos alimentos ou o consumo responsable e o comercio xusto.
Para facilitar a divulgación desta iniciativa e chegar ao maior número de persoas interesadas, estas actividades emitiranse desde a Escola Galega de Consumo a vinte localidades de Galicia que contan con aula da rede CeMIT a través do sistema de videoconferencia en sesións de mañá e tarde.*
As charlas e a súa programación son as seguintes
- Luns, 7 de marzo: “Resolución de conflictos en consumo”
- Luns, 4 de abril “Linguaxe publicitaria e publicidade ilícita”
- Luns, 2 de maio “Etiquetaxe e alimentos funcionais”
- Luns, 6 de xuño “Consumo responsable e comercio xusto”
Consulta na web da AMTEGA as aulas CEMIT que retransmiten por videoconferencia as charlas
O único requisito para poder asistir a estas charlas gratuítas e abertas ao público en xeral é ser usuario da rede CeMIT e solicitar praza na localidade de interese, estando aberta a inscrición nas mesmas na web http://cemit.xunta.gal.