3 apps para atopar o teu teléfono dunha maneira diferente

Quen non perdeu algunha vez o seu teléfono? Non nos referimos a facelo na rúa, que tamén, senón perdelo na casa ou no noso lugar de traballo. Os terminais son tan finos e, algúns, tan pequenos que é fácil que acaben en sitios que non nos imaxinamos.

Atopar o terminal ás veces é tan sinxelo como chamarnos, pero se o temos sen son ou está sen cobertura a procura do teléfono pode ser toda unha odisea. Hoxe traémosvos 3  apps que farán esa procura moito máis sinxela e tamén, algo diferente.

Clap  To  Find  My  Phone

Como o seu nome indica,  Clap  To  Find  My  Phone reproduce un son cando aplaudes e o micrófono detecta ese ruído.

Dispoñible polo de agora para Android, conta con varias opcións, como detectar o son só se está bloqueado, detección ao reiniciar o dispositivo ou configurar un horario concreto.

Ademais, podemos configurar o son ou resposta aos nosos aplausos, así como probar e afinar a sensibilidade do teléfono segundo a distancia á que esteamos do teléfono.

Whistle  to  Find

Se os aplausos non son o noso, temos máis opcións:   Whistle  to  Find, que cambia a  sonoridade das nosas mans polos asubíos.

Nesta ocasión, cando asubiemos preto do teléfono extraviado,  Whistle  to  Find responderá con son, o Flash da cámara ou vibrando.

Polo demais, o seu funcionamento é similar ás outras  apps: regulación do volume e duración do aviso, desactivación en horarios concretos, etc.

Go  Find Marco / Marco Polo Phone Finder

A partir dunha palabra ou expresión que ti mesmo configurarás previamente,  Go  Find Marco responderá mediante un son ou con nosa propia voz. Dispoñible como Marco Polo  Phone  Finder en  Android e como  Go  Find Marco en  iPhone, é unha maneira orixinal de atopar o teu teléfono perdido a certa distancia.

Configuras unha palabra de resposta, a resposta en si e cando o botes en falta, só tes que reproducir a palabra en cuestión para que  Go  Find Marco respóndache alá onde estea.

 

Deixa unha resposta

O teu enderezo electrónico non se publicará Os campos obrigatorios están marcados con *

En cumprimento do disposto no artigo 5 da Lei Orgánica 15/1999, do 13 de decembro, de protección de datos de carácter persoal infórmaselle que os datos persoais que facilite neste formulario quedarán rexistrados nun ficheiro de titularidade da Xunta de Galicia, cuxa finalidade é a xestión e rexistro deste procedemento. A persoa interesada poderá exercer os dereitos de acceso, rectificación, cancelación e oposición ante a Axencia para a Modernización Tecnolóxica de Galicia, como responsable do ficheiro, solicitándoo mediante o envío dun correo electrónico a lopd@xunta.es.