Un erro 404? Así son as mellores páxinas de erro da Internet

Cando nun servidor web non se atopa unha páxina solicitada, o erro que aparece é o 404, que significa que o arquivo solicitado non existe no servidor. Cando navegamos atopámonos a miúdo con este erro e, aínda que sempre é negativo, pódeselle ver a parte divertida.

 

Moitas páxinas web utilizan estas páxinas de erro 404 para buscar unha complicidade co visitante e que non abandone o sitio só porque non atopou a páxina que gustaba. É por isto que nos atopamos auténticas obras de arte en forma de páxinas de erros 404. Hoxe traémosvos unha pequena colección destas páxinas para que as gocedes da mesma maneira que nós o fixemos buscándoas.

Xoga ao Space Invaders

A páxina de Kualo tenta escorrer o vulto cos erros 404, botándolle a culpa aos Space Invaders de que a páxina que buscamos non exista. Polo menos podemos entreternos xogando ao mítico xogo.

Hipnotízate co rato

Hotdot é unha páxina que lle gusta xogar con rato e a súa páxina de erro 404 demóstrao. Se facemos click na o imaxe veremos como o 404 explota co e vólvese a integrar segundos despois. Hipnotizante.

Nin os suricatos atópana

The Useless Web Index é un pouco desastroso, como o seu nome indica, e cando non atopa unha páxina deixa o labor a uns simpáticos suricatos. Pero por moito que esperemos tampouco a atopan.

Ao Ilustrator

Figma é unha páxina que se toma moi en serio o de deseñar e a súa páxina 404 demóstrao. Déixanos xogar coas letras de 404 e estiralas e deformalas coma se estivésemos dentro do Ilustrator

Deixa unha resposta

O teu enderezo electrónico non se publicará Os campos obrigatorios están marcados con *

En cumprimento do disposto no artigo 5 da Lei Orgánica 15/1999, do 13 de decembro, de protección de datos de carácter persoal infórmaselle que os datos persoais que facilite neste formulario quedarán rexistrados nun ficheiro de titularidade da Xunta de Galicia, cuxa finalidade é a xestión e rexistro deste procedemento. A persoa interesada poderá exercer os dereitos de acceso, rectificación, cancelación e oposición ante a Axencia para a Modernización Tecnolóxica de Galicia, como responsable do ficheiro, solicitándoo mediante o envío dun correo electrónico a lopd@xunta.es.