5 consellos para evitar que te enganen ao mercar por Internet

Sempre dicimos que mercar en Internet é un dos métodos máis seguros que hai. As tecnoloxías existentes aportan diferentes capas de seguridade que aseguran que os nosos datos bancarios non acaban en mans maliciosas.

Pese a isto, se mercamos en sitios de segunda man ou a particulares como pode ser Wallapop ou eBay, podemos acabar caendo nos típicos timos que pululan por todos os lados, Internet e tamén na vida real. Hoxe vos damos 5 consellos para evitar ser enganados.

Desconfía dos prezos moi baixos

Se atopamos produtos con descontos esaxerados o primeiro que temos que facer é desconfiar. Na internet pódense atopar descontos interesantes, pero se este supera o 50% do prezo que normalmente ten, a oferta cheira raro.

Investiga ao vendedor

Case a totalidade das plataformas de compras entre particulares inclúen sistemas de cualificación dos vendedores. Se atopas unha gran oferta, investigar ao vendedor e comprobar que vendeu antes e os comentarios que pode ter é unha boa idea.

Desconfía dos que non poñen fotos reais

Se está a vender un iPhone pero pon as fotos que aparecen na web de  Apple desconfía. Pide sempre fotos reais e que se poida demostrar que o son, xa que igual o produto que están a vender está en moito peor estado que o que di o particular ou, poñéndonos no peor dos casos, véndennos outra cousa totalmente  diferente.

Nunca pagues por adiantado

Existen multitude de opcións de pago que non sexa pagar por adiantado:  contrareembolso,  PayPal, transferencia unha vez recibido e produto e mesmo  contrareembolso con inspección do produto. Se che piden que pagues antes de que che poidan confirmar que enviaron o produto, desconfía e dei que non.

Utiliza sempre que poidas a plataforma

Wallapop ou  eBay teñen sistemas de pago que están dentro da propia plataforma. Se o usuario pídeche que non os utilices desconfía. Estes sistemas teñen proteccións e protocolos contra vendedores falsos, polo que sempre é mellor utilizalos xa que nos dan ese extra de seguridade que podemos necesitar.

Extra: usa o sentido común

Ler ben o anuncio, ver o que vende e o prezo é básico á hora de comprar a un particular a través de Internet.

Deixa unha resposta

O teu enderezo electrónico non se publicará Os campos obrigatorios están marcados con *

En cumprimento do disposto no artigo 5 da Lei Orgánica 15/1999, do 13 de decembro, de protección de datos de carácter persoal infórmaselle que os datos persoais que facilite neste formulario quedarán rexistrados nun ficheiro de titularidade da Xunta de Galicia, cuxa finalidade é a xestión e rexistro deste procedemento. A persoa interesada poderá exercer os dereitos de acceso, rectificación, cancelación e oposición ante a Axencia para a Modernización Tecnolóxica de Galicia, como responsable do ficheiro, solicitándoo mediante o envío dun correo electrónico a lopd@xunta.es.