Todos sabemos que as redes sociais son un sitio no que hai que estar si ou si, sobre todo se es unha empresa que quere vender a través da rede ou atraer a novos clientes mediante ela.
Pero ter presenza en redes sociais non é o único que hai que facer, se non que hai que xestionar esa presenza a través de xeración de contido e monitoraxe dos perfís das diferentes redes nas que estamos presentes. Como se fai isto? Pois hai dúas opcións: a man ou a través de ferramentas que nos facilitan o traballo. Hoxe queremos ensinarvos unha pequena lista con algunhas destas ferramentas que fan máis sinxelo o día a día en redes sociais.
Hootsuite
É a ferramenta máis veterana e unha das máis completas para xestionar perfís de redes sociais. É compatible con todas as que hai e permítenos programar mensaxes, colaborar en grupos, crear diferentes columnas de mensaxes con procuras ou monitoraxe de hashtags e ata automatizar certas accións.
Hootsuite ten un plan gratuíto que podemos probar, pero se queremos utilizalo a fondo, o máis recomendable é adquirir un dos seus plans de pago.
Buffer
Se o único que nos interesa é programar contido e monitorar que ocorre con el, Buffer é a nosa opción. Cunha interface moi sinxela e clara, esta aplicación web permítenos xestionar as nosas redes sociais da mellor maneira.
A opción gratuíta permítenos xestionar un perfil por plataforma (Twitter, Facebook, Linkedin Google Plus e Instagram) e enviar ata 10 mensaxes ao día. Por suposto, se queremos máis, os seus plans de pago son bastante alcanzables.
Sociablade
Como monitoreamos e xestionamos unha canle de YouTube? Se somos dos que usamos esta rede social de vídeo, Sociablade é a páxina que debemos utilizar si ou si. Proporciónanos estatísticas moi completas coas que analizar o estado das nosas contas. Ademais, permite ver as estatísticas doutros usuarios, polo que podemos ver como o está facendo a competencia con tan só un click.
Metricool
Se queremos unha ferramenta web que nos permita programar e nos de unhas estatísticas claras e de bo ver, Metricool é a nosa opción. Son españois e a súa plataforma é compatible con Facebook Twitter, Instagram e Linkedin e permite levar un calendario de publicacións, ver as estatísticas de rendemento e xerar informes de maneira automática para nós mesmos ou para ensinar ao cliente.
Tamén permite engadir nosa propia web e monitorala coma se unha rede social máis se tratase. Ten plan gratuíto ademais dos de pago con máis opcións.