Tres cousas que podes facer co Excel e que seguro que non sabías

Excel é o programa de creación e xestión de follas de cálculo por excelencia. Aínda que existen outras opcións como Libreoffice ou Google Docs, o programa de Microsoft é na actualidade uno dos máis utilizados para esa tarefa.

Nin máis nin menos, a semana pasada Microsoft Excel cumpriu 30 anos, e aínda que os anos pasan por el grazas ás diferentes actualizacións, segue servíndonos para xestionar follas de cálculo como o primeiro día. Pero o que seguro que moitos non saben son as outras cousas que se poden facer co programa de Microsoft. Hoxe ensinámosvos unha lista coas máis curiosas:

Arte

Lestes ben. Co Excel pódese facer arte, e se vos custa crelo mirade a obra de  Tatsuo  Horiuchi, que utiliza a ferramenta de creación de formas do programa para crear cadros tan impresionantes como o que acompaña este artigo.

Animacións dos anos 90

Botas de menos a década dos 90? Pois tamén o fixo este usuario, que grazas á linguaxe de programación Excel  VBA, foi capaz de crear estas animacións tan noventeras cunha simple folla de cálculo. A música de 8  bits é poesía para os nosos oídos.

Un clon de  Tetris 

Procrastinas na casa? Pois podes programar en Excel un clon do  Tetris e retar aos teus compañeiros para conseguir a mellor puntuación. Isto é o que fixeron  Hamish e Andy, que se sacaron da manga este xogo que se executa na folla de cálculo.

Deixa unha resposta

O teu enderezo electrónico non se publicará Os campos obrigatorios están marcados con *

En cumprimento do disposto no artigo 5 da Lei Orgánica 15/1999, do 13 de decembro, de protección de datos de carácter persoal infórmaselle que os datos persoais que facilite neste formulario quedarán rexistrados nun ficheiro de titularidade da Xunta de Galicia, cuxa finalidade é a xestión e rexistro deste procedemento. A persoa interesada poderá exercer os dereitos de acceso, rectificación, cancelación e oposición ante a Axencia para a Modernización Tecnolóxica de Galicia, como responsable do ficheiro, solicitándoo mediante o envío dun correo electrónico a lopd@xunta.es.