O venres, 11 de setembro, tivemos o pracer de acoller na biblioteca de Mera (Oleiros) a actividade “Mira como cho conto” a cargo de Xanela Ocio e Animación.  Foi un contacontos singular no que dous paiasos  narraron e ilustraron os contos “O señor Ramón e a señora Ramona” e “A maceira que daba calquera cousa menos mazás”. Por último, as nenas e nenos e algunha nai que estaba entre o  público, ilustraron  a historia “A princesa do Caurel”. Mediante os debuxos dos nenos  o contador deu forma á historia dun xeito orixinal e moi divertido que fixo que o público permanecese atento durante toda a sesión.