17/09/2021
Onte pola mañá, dentro do programa Ler Conta Moito e organizado pola Biblioteca Municipal visitou Ribadeo Raquel Queizás co seu espectáculo Cinema Marabillas. Invitamos ao alumnado de 3º de Educación Primaria dos Colexios de Ribadeo. A proxección de fragmentos das primeiras adaptacións cinematográficas do cine mudo, inspiradas nos contos marabillosos e nos libros clásicos, permitiulles darse conta que as historias que coñecen, poden contarse de moi distintas maneiras. Espectáculo cheo de aventuras, humor, misterio, tenrura … e moita imaxinación.