Imaxe Faro de Vigo
Esta semana cambiamos guía práctica por actualidade do sector educativo galego. Onte falabámosvos de como a tecnoloxía está a transformar a educación, do reto do aproveitamento por parte dos docentes dos recursos tecnolóxicos. E introduciámosvos no modelo de educación creativa. Cales son as liñas de actuación que van a marcar o traballo da Amtega e da Xunta nos próximos anos?
No que respecta ao Espazo Abalar continuarase a invertir en equipamento para os alumnos e impulsarase o desenvolvemento de contidos educativos dixitais e ferramentas como abalarMóbil, que mellora a relación dos pais cos centros educativos e cos profesores.
Primeiro obxectivo: formar aos docentes
Onte xa vos falabamos da necesidade de formar aos profesores para tirar proveito das novas tecnoloxías. Carlos Vázquez Mariño, director de Solucións Tecnolóxicas da Amtega, afirmaba recentemente que van a seguir formando docentes (xa se formou a máis de 20.000); Abalar non é unha aposta pola tecnoloxía, é unha aposta por mellorar o proceso de aprendizaxe a través das TIC.
Respecto aos contidos, hoxe xa hai máis de 2.000 nenos de 84 centros que estudan nunha contorna completamente dixital e sen libros de texto en papel. E estase a traballar na ensinanza a través xogos, realidade virtual ou contornas personalizadas.
Videoxogos para estudar
O obxectivo de Abalar non vai a cambiar pero si pode facelo a tecnoloxía empregada. A idea é evolucionar cara un modelo no que o texto impreso non sexa o principal vehículo de aprendizaxe. Os netbooks e as ferramentas que se van a introducir nos próximos anos van a permitir traballar con realidade aumentada, realidade virtual, contornas personalizadas, videoxogos, etc.
A realidade aumentada posibilitaría, por exemplo, que nunha visita a un museo un neno obtivese máis información de cada cadro. Ou podería visitar o museo sen saír da aula gracias á realidade virtual.
Por último, cómpre chamar a atención sobre as contornas personalizadas. Que son? Máis alá de contar cos temas que antes estaban nos libros no Espazo Abalar, por exemplo, os alumnos deberían poder acceder a recursos que se adaptan ás súas necesidades, contidos sobre un tema que non se está a dar na clase pero que necesitan repasar, por exemplo. O próximo paso: crear recursos de calidade e formar a docentes e almunos para que poidan traballar xuntos na nova contorna dixital.