Foto del taller celebrado en Espacio Nido
Que sabedes de impresión 3D? Probastes a imprimir algún obxecto nunha destas impresoras? Dentro dun mes celébrase en Madrid o 3D PrintShow 2015. En Xente Dixital estaremos atentos para contarvos cales son as tendencias para este ano.
O evento está dirixido a deseñadores industriais, enxeñeiros, deseñadores de produtos, empresarios, etc. O primeiro día resérvase a empresas e profesionais do sector e o segundo será accesible para todos os públicos.
Na axenda podedes atopar conferencias para empresas nas que buscarán respostas a como se emprega actualmente a fabricación aditiva en España ou para que se pode utilizar esta tecnoloxía e en que sectores. Como credes que se pode empregar a impresión 3D fóra da industria? Tamén se falará de software, de cales son os programas informáticos adecuados para os equipos físicos. E de artes: como utilizan os artistas de todo o mundo a impresión 3D?
Un exemplo Galego
Hai uns días, no programa A Revista Fin de semana da Televisión de Galicia, achegánbase á sede de Lupeon 3D, proxecto galego que colaboraba nun dos faladoiros sobre impresión 3D da iniciativa Faite Dixit@l, a finais do ano pasado. Que técnicas empregan? Que tipo de clientes imaxinades que teñen? Podedes velo a partir do minuto 12:20 do vídeo.
Fonte: impresoras3d.com.