Foto: Startups Mentors
A definición é inventada pero axústase bastante ben á realidade. A maior parte das startups ten a internacionalización como un dos seus obxectivos. Segundo un estudo elaborado pola aceleradora Top Seeds Lab, 7 de cada 10 startups pensan expandirse mirando, sobre todo, a Latinoamérica. O estudo está feito en base a unha enquisa feita ás empresas coas que Top Seeds Lab traballou ata o día de hoxe.
Grazas a este estudo sabemos que a maioría de startups tecnolóxicas ten entre 2 e 3 fundadores, 4 traballadores de media e que fixeron un investimento de entre 100.000 e 200.000€. Unha das principais conclusións é que o equipo profesional é o aspecto máis importante para ter éxito. Unha boa idea en mans dun mal equipo ten menos posibilidades de prosperar que unha idea non tan xenial en mans de profesionais con talento.
O escenario ideal é o dun proxecto con varios socios, roles diferenciados e un liderado claro. Por que fracasan os proxectos? Normalmente, porque non se necesita ese produto no mercado.
As aceleradoras
Que papel xoga unha aceleradora como Galicia Open Future? Xogan un papel importante para conseguir o financiamento inicial (47% dos enquisados), e valóranse moito o servizo de mentoring (33%) e outros servizos como o de ofrecer un espazo de coworking no que estar en contacto con outros profesionais.
Estades pensando en desenvolver un proxecto tecnolóxico? Traballastes nunha aceleradora de proxectos? Contádenos a vosa experiencia e que pasos pensades que deberiamos dar.
Fonte: ticbeat.com.