Se tes un Windows que vai moi lento e tes orzamento suficiente como para comprar un disco SSD ou engadir un par de Gb de memoria RAM, problema resolto. Se non é así, podes xogar cos axustes do sistema para aproveitar mellor os recursos dos que dispós.
Dende o apartado gráfico hai algúns elementos que podes mellorar; Windows 10 foi un gran salto estético, pero desactivar algúns dos seus recursos pode ser realmente efectivo. Velaquí algúns consellos:
Desactiva os efectos visuais
Se vas a: Panel de control > Sistema e Seguridade > Sistema > Configuración avanzada del sistema > opcións avanzadas > Rendemento > configuración
Atoparás a opción “efectos visuais”. Se marcas “axustar para o mellor rendemento” verás que o ordenador irá un chisco máis rápido. É posible que luza menos bonito, pero vai máis rápido.
Desactiva Cortana
O asistente persoal de Microsoft, que ata conta chistes, pode ser desactivado. Fai clic no cadro de procura da barra de tarefas e no botón en forma de porca á dereita. Aí podes desactivar Cortana
Desactiva os programas que se inician automaticamente
Posiblemente, o truco máis estendido, pero non está demais lembralo. O noso computador ten programas que se abren automaticamente cando se prende. Queres saber cales son? Sigue esta orde: Administrador de tarefas > máis detalles > inicio
Esta ventá amosa todos os programas que se abren automaticamente. Posiblemente moitos deles non os precises, así que desactiva o seu inicio.
Tes algúns trucos máis na guía de Alt1040, a fonte deste artigo