Imaxina que empregas uns auriculares que traducen automaticamente á túa lingua o que che están a dicir noutro idioma. É o que pretende o produto de Waverly Labs.
A idea é tan sinxela como revolucionaria: unha persoa fala e outra, co auricular posto na orella, escoita a conversa traducida á súa lingua de xeito automático.
O invento está baseado nunha aplicación móbil que ten que estar funcionando constantemente. Aínda que isto poida parecer un problema, en realidade o teléfono móbil é un trebello que sempre levamos enriba.
A aplicación, que aínda está en fase de testeo, incorporará inicialmente as linguas romances máis empregadas (español, francés, italiano…) e o inglés; aínda que a empresa quere estender o seu produto a outros mercados e incluír linguas asiáticas, africanas e de oriente medio.
A parte “visible” do proxecto son os propios auriculares, unha parella, para que cada usuario poida empregar un auricular e a conversa sexa fluída nas dúas direccións.
A mellora, en termos de comunicación, pode ser significativa, xa que no canto de falarlle ao teléfono móbil por quendas, a conversación é totalmente natural.
Aínda non hai datas de entrega, pero probablemente a finais de ano ou comezos de 2017 poidamos ver os auriculares na rúa, cun prezo aproximado aos 180$.
O proxecto anda nestes momentos á procura de financiamento a través de crowdfunding.