Cando levamos tempo navegando por Internet, en moitas ocasións ocórrenos que aquela páxina que tiña contidos tan interesantes, ou aqueloutra que presentaba a información cun deseño que nos gustaba deixou de existir.
Internet é un ser vivo, con páxinas que nacen, outras que morren e outras que cambian de arriba a abaixo. Por iso, é normal atoparnos de vez en cando co problema de que a páxina que buscabamos xa non existe ou non mostra exactamente o que queriamos buscar. Pero aínda que xa non estea no seu lugar orixinal, non quere dicir que desaparecese: Internet Arquive é a nosa solución.
Que é Internet Archive?
Internet Arquive é unha biblioteca dixital que se dedica a conservar todo o que estivo na internet, desde páxinas web, arquivos multimedia e mesmo software. Está xestionado por unha organización sen ánimo de lucro e todos os contidos que ten almacenados son totalmente gratuítos, xa que a maioría non teñen dereitos de autor ou foron cedidos á organización responsable da internet Arquive.
Como podo utilizalo?
Internet Arquive ten unha sección chamada “Wayback Machine” que se dedica a realizar capturas reais da maioría de páxinas da internet. E cando falamos de maioría, estamos a falar con propiedade xa que actualmente teñen, segundo eles, 279 miles de millóns de capturas de máis de 361 millóns de páxinas, que se di pronto.
Para buscar a web que queremos tan só temos que poñer a dirección (URL) na Wayback Machine e navegar polo tempo a través da o liña temporal que aparece.
Pero se isto parécenos moi complicado, podemos utilizar esta extensión de Google Chrome que nos permite buscar de maneira máis rápida a versión antiga da web.