Instagram é a rede social de moda. Non en balde é a que máis creceu nos últimos meses, superando con fartura a pesos pesados como Faceobok ou Snapchat. A idea de subir fotografías compartindo o teu día a día, as túas experiencias, o teu traballo ou simplemente o que che gusta é algo que atrae a moita xente, polo que o que máis e o que menos está nesta rede social fotográfica.
Aínda que a idea de Instagram é moi básica, subir fotos ou vídeos curtos cunha mensaxe, o certo é que se lle pode sacar moito máis rendemento do que pensamos. Para iso fai falta, normalmente, utilizar aplicacións de terceiros que nos permitan darlle un toque diferencial ás nosas publicacións. Hoxe recomendámosvos tres aplicacións que nos darán moita máis variedade ao noso perfil en Instagram.
Repost for Instagram
A acción de recompartir un contido que nos gusta non é algo que veña de serie en Instagram, pero aínda así podemos facelo grazas a outras aplicacións. Repost for Instagram é unha delas, a cal nos permite escoller a publicación que queremos e republicala directamente no noso perfil, dando sempre os créditos necesarios á persoa que subiu orixinariamente a foto.
Repost for Instagram está dispoñible para iOS e para Android
InstaSize
Aínda que Instagram permítenos cambiar tamaños, cores e aplicarlle filtros ás nosas fotografías, ás veces necesitamos outra aplicación que nos dea algo máis ás nosasstrs fotografías. InstaSize fai isto dunha maneira sinxela e directa. Con ela podemos cambiar brillos, contrastes e cores dunha forma máis a fondo que con Instagram. Tamén nos permite facer colaxes ou cuadrículas de imaxes completas para darlle un toque orixinal ao noso perfil.
InstaSize está dispoñible para iOS e para Android
Pro Weathershot by Instaweather
Se somos persoas que viaxan habitualmente ou que queren dar todo tipo de información nas nosas fotografías, Pro Weathershot by Instaweather é a nosa aplicación. Con ela podemos inserir en nosas fotografas información sobre onde estamos, como o tempo que fai, o nome da localización ou a data na que foi realizada a fotografía. Tamén dispón de adhesivos para darlle un toque divertido ás nosas instantáneas e numerosos deseños artísticos para mostrar a información.
Pro Weathershot by Instaweather está dispoñible para iOS (de pago) e de balde en Android.