Se temos que pensar nun ídolo actual no mundo da tecnoloxía uno dos nomes que sen dúbida sairía sería Elon Musk. O fundador de PayPal e millonario de profesión leva tempo namorando aos amantes da tecnoloxía. Primeiro cos seus coches eléctricos Tesla e agora coas súas incursións na carreira espacial.
Space X é a empresa que lidera Elon Musk e que ten como obxectivo adiantar a viaxe espacial turística. A última acción da empresa foi dobre: por unha banda enviou un foguete cuxos propulsores aterraron de volta intactos e, polo outro, puxeron un coche na órbita de Marte. Si. Un coche.
O escollido foi un Tesla Roadster e, a ritmo da canción ‘Life of Mars’ de David Bowie, puidemos ver en directo como o coche saía do foguete e íase afastando da Terra cun maniquí vestido de astronauta como único acompañante do deportivo vermello.
Aínda que o impactante foi ver o coche en órbita da Terra, o certo é que o importante do lanzamento de Space X foi a volta e aterraxe dos dous propulsores. Nos lanzamentos de foguetes ao espazo adóitase perder moito diñeiro ao perderse a maioría dos compoñentes que se lanzan, pero a compañía de Elon Musk conseguiu que uns deles, os propulsores, volvan intactos e póidanse reutilizar. Ver a perfecta aterraxe é pura poesía aeroespacial.
Que será o próximo? Segundo Space X o seu seguinte obxectivo é recuperar tamén a parte central e conseguir, desta maneira, aforrar millóns nos lanzamentos xa que todas as partes pódense reutilizar no seguinte lanzamento.