A directora da Axencia para a Modernización Tecnolóxica de Galicia (Amtega), Mar Pereira, e o director xerente de AFundación Pedro Otero presentaron no día de onte o novo Programa AceleraTIC+. Como xa vos contamos aquí, esta nova edición do programa busca formar aos empresarios para que leven a cabo a transformación dixital da súa empresa.
Con esta presentación deuse o pistoletazo de saída ás inscricións para o programa. Estas están abertas ata o 24 de abril ás 18:00 horas, podendo preinscribirse a través da páxina do CDTIC ou no correo electrónico cdtic@xunta.gal.
A nova edición do Programa AceleraTIC+ inclúe seis sesións formativas, as cales se estruturan da seguinte maneira:
- Xoves 4 de maio: Big data, cloud computing, app economy, Internet of things, robotización e industria 4.0”. Álvaro Gómez.
- Xoves 11 de maio. Novas canles de comunicación coa clientela. Marketing dixital e redes sociais. Javier Varela
- Xoves 18 de maio. Estratexia de dixitalización da canle de vendas. O comercioelectrónico como unha alternativa estratéxica. Carlos Otero
- Xoves 25 de maio. Posicionamento en Internet: SEO – SEM. José Alcañiz
- Xoves 1 de xuño. Ferramentas de medición e análise – Obradoiro de Google Analytics. Fernando Gómez
- Mércores 7 de xuño. Modelos organizativos e visión dixital. Transformación e xestión do cambio organizacional. Pablo Castejón