Linkedin vén de lanzar Linkedin Lookup, unha app que serve para atopar, coñecer e contactar con compañeiros de traballo. Nace co obxectivo de sustituír os tradicionais directorios de empregados das compañías. Está dispoñible para iOS e pronto o estará para Android.
Por que Lookup? Linkedin viu que o 30% dos seus usuarios mira os perfís dos seus compañeiros. Fixeron máis de 800 enquisas nos Estados Unidos e o 58% asegurou que o seu traballo sería mellor se puideran atopar compañeiros con cualidades específicas.
Podemos buscar por nome, cargo, experiencia, formación ou capacidades profesionais. Se facemos unha busca xenérica por departamento, por exemplo, Lookup daranos unha lista das persoas que traballan nel incluíndo correo corporativo, teléfono, etc. Só os usuarios de Lookup poden ver a información que introduciron os seus compañeiros.
Linkedin segue a apostar por apps móbiles que complementan os servizos que ofrece. Por agora é gratuíta pero, cobrará ás empresas que queiran empregar este servizo no futuro?
Fonte: ticbeat.com.