No mes de agosto presentábase a aplicación oficial de MeteoGalicia. Nela podemos consultar a predición meteorolóxica detellada por concello para os próximos 10 días, ademais do estado do mar, predicións para todas as praias de Galicia, predición xeral e mareas.
Dende a sección “Observación” pódese acceder ás imaxes en tempo real do radar de MeteoGalicia e do satélite Meteosat, así como visualizar vídeos das últimas horas destes dous servizos.
Sección “Observación”
Estade atentos á Google Play e á Apple Store, porque nas próximas versións está previsto que se poida acceder a datos en tempo real das estacións meteorolóxicas, de calidade do aire e de boias oceanográficas da Xunta, así como avisos por concello.
A aplicación está dispoñible para Android e iOS e está previsto que pronto estea dispoñible tamén para dispositivos con Windows Phone e BlackberryOS.