Como o ano pasado, neste Nadal invitámosvos a atopar os regalos de Nadal na web agasallo.eu. Que ten de particular? É unha plataforma en liña que compila, difunde, dá a coñecer e recomenda agasallos en galego, para todas as idades.
Agasallo.eu non é unha tenda en liña. Dános ideas e indícanos onde mercar os agasallos. O obxectivo é visibilizar creacións que usan a lingua galega, que a cidadanía saiba que se poden regalar produtos no noso idioma.
Atoparedes produtos de nove categorías distintas: libros, música, audiovisual, xogos, tecnoloxía, téxtil, experiencias, alimentación e outros.
A web dános outras posibilidades interesantes. Se creas ou elaboras produtos ou ofreces servizos en galego, podes enterarte de como participar en agasallo. Se o que buscas é difundir en papel ou a través da rede, propostas de regalos en galego, tes a opción de crear o teu catálogo distribuíble.
A iniciativa está impulsada pola Coordinadora de Traballadores/as de Normalización da Lingua (CTNL) e contou ca colaboración económica da Secretaría Xeral de Política Lingüística da Xunta.