Esta semana falarémosovos de responsabilidade social empresarial no sector tecnolóxico galego. Abriremos a guía de boas prácticas que presentaba a Xunta a finais de ano. Antes visitamos rse.xunta.es, portal con toda a información que necesitades sobre RSE.
Antes de navegar polo menú principal, botamos un ollo ao slider da web no que se destacan os contidos máis importantes e as últimas novidades. Na parte de abaixo da portada podedes acceder ás novas destacadas, aos contidos multimedia e enlazar coas páxinas de redes sociais.
No menú principal podedes acceder á sección A RSE. Que é? Cales son os seus principios?. Aquí atoparedes información sobre como implantala nunha empresa ou sobre que vantaxes ten: fidelidade do persoal á empresa, mellora da motivación e da produtividade no traballo, aumento da cualificación e capacidades dos empregados, etc.
Outra das seccións é a adicada ao Apoio da Administración: asesoramento, formación, información sobre programas de apoio, sobre premios e recoñecementos, etc.
Seguro que moitos de vós tendes moitas dúbidas sobre RSE. Facede clic en Preguntas frecuentes e seguro que resolvedes boa parte delas: cal é a relación entre a RSE e o Desenvolvemento Sustentable? É importante certificar a RSE da empresa?
Por último detémonos nas guías. Son guías sectoriais: para o sector TIC (consultarémola o mércores), o textil, o conserveiro de peixes e mariscos, o do automóbil e o da madeira. Tamén hai outras guías nas que aprender, por exemplo, a implantar a RSE nunha peme.
Pingback: Unha guía de boas prácticas para o sector TIC galego - Xente Dixital