A consultora A.T. Kearney ven de publicar o informe “The 2015 Global Retail E-Commerce Index” que contén unha lista cos mercados mundiais que ofrecen un maior atractivo para o comercio electrónico. España aparece por primeira vez entre os mercados máis atractivos para o ecommerce.
O ranking está encabezado por Estados Unidos que consegue unha nota de 79,3 puntos sobre 100. Téñense en conta 4 factores: o tamaño do mercado online de cada país, o comportamento dos consumidores, o potencial de crecemento e a situación das infraestruturas que facilitan o comercio electrónico. China aparece no segundo lugar, seguida de Reino Unido, Xapón e Alemaña.
España aparece no posto 18 por detrás de Holanda, Dinamarca, Suecia e México e por diante de Chile, Noruega, Brasil ou Italia.
Por outra banda, o estudo contén os datos do comercio electrónico nos últimos anos, unha previsión da tendencia ata o 2018, onde se espera que acade os 1.500 millóns de dólares, e a porcentaxe de crecemento interanual. Como credes que vai evolucionar o sector nos próximos anos?
Fonte: osimga.org.