A Amtega amplía ata o 30 de novembro o prazo de inscrición no concurso ‘Curtas co Móbil da Axenda Dixital de Galicia 2020’. O concurso está dirixido a estudantes de ESO ou Bacharelato de Galicia de entre 14 e 18 anos.
Os estudantes que queiran participar deben gravar un vídeo dun máximo de 3 minutos onde se visualice como imaxinan que a tecnoloxía transformará Galicia no futuro. Poden participar individualmente ou en grupos de ata 5 persoas. Os centros educativos interesados poderán inscribirse de xeito gratuíto a través do formulario online dispoñible no blog Axenda Dixital 2020. Ademais de completar o formulario deberá achegarse a ligazón ao vídeo subido previamente a Youtube.
Gañadores e premio
Os vídeos recibidos serán votados por un xurado especializado no ámbito da Sociedade da Información e as novas tecnoloxías. Os finalistas publicaranse no Facebook da Amtega dentro do apartado “Elixe o vídeo finalista do concurso!” no que poderedes votar o vídeo que máis vos guste. Os vídeos gañadores serán os dous que máis gústames obteñan.
O premio consiste nunha tablet para cada alumno responsable do vídeo máis votado, e unha minitablet para cada un dos participantes no segundo vídeo máis votado. Os dous vídeos serán publicados como gañadores no blog e na páxina de Facebook da Amtega.