Sala CDTIC
O Hipersector TIC galego conta con máis de 3.000 empresas e da emprego a máis de 20.000 persoas. Son datos do primeiro estudo sobre o Hipersector TIC galego, elaborado polo Osimga.
O Hipersector TIC en Galicia está composto por empresas do sector tecnolóxico (70,7 %) e por empresas do sector de contidos e servizos audiovisuais (29,3 %). No tecnolóxico destacan as actividades de programación, consultoría e outras actividades relacionadas coa informática. En canto ao subsector dos contidos, sobresaen as edicións de libros, xornais e outras actividades editoriais. Cómpre lembrar que a estrutura empresarial do hipersector caracterízase pola presenza de microempresas; 4 de cada 5 contan con dous ou menos asalariados na plantilla.
As exportacións
Estudo Hipersector TIC en Galicia, Osimga
O volume de exportacións do hipersector superou os 50 millóns de euros no 2013. O 94,3 % destas exportacións corresponden ao subsector TIC e son, sobre todo, equipos de telecomunicacións.
No subsector dos contidos hai un potencial importante do comercio exterior e no 2013 xa se superaron os 2 millóns e medio de euros.
Innovación tecnolóxica
Estudo Hipersector TIC en Galicia, Osimga
O estudo tamén aborda a innovación tecnolóxica dentro do tecido empresarial galego. Galicia ocupa a sexta posición no ranking de empresas innovadoras no 2012. Nese ano houbo un total de 1.092 empresas galegas de 10 ou máis traballadores que realizaron actividade innovadora.
No 2012 as empresas galegas investiron máis de 600 millóns de euros. Resultaron especialmente activas no relativo á innovación de procesos e rexistráronse 1.035 experiencias empresariais.