Xa vimos como crear e importar unha lista de subscritores en Mailchimp. O seguinte paso antes de enviar a newsletter é crear e deseñar a túa campaña. É moi sinxelo, só hai que seleccionar un tipo de campaña, agregar destinatarios, seleccionar unha plantilla, cargar o contido e enviar o boletín.
O primeiro é ir á páxina Campaigns (Campañas) e seleccionar Create Campaign (Crear campaña). A primeira vez, Mailchimp recoméndanos comezar por unha Regular Campaign (Campaña Regular). Podedes navegar con facilidade pola barra de progreso para acceder aos distintos pasos do Campaign Builder (Construtor de campaña): selección da lista de subscritores, asunto e redes sociais, plantilla, deseño e contido, etc.
En canto ao deseño e o contido, o máis recomendable é comezar seleccionando a opción drag and drop (arrastrar e soltar) de entre os Themes (Temas) de Mailchimp. Seleccionado o tema xa podedes modificar os distintos bloques de contido, cargar textos e imaxes, etc. O último paso é seleccionar a opción de Confirm (Confirmar) e facer clic en Send (Enviar).
Os informes
Os informes de Mailchimp conteñen información de clics, aperturas… Temos que ir á páxina Reports (Informes) e seleccionar a campaña que queiramos ver. Que porcentaxe da lista de subscritores abriu o boletín? Cantos non o recibiron? Cantos fixeron clic? Tamén nos da outros datos como o número de usuarios que cancelaron a subscrición.
Se profundizamos un pouco máis, tamén podemos saber que número de vendas chegaron a través da newsletter se temos unha tenda en liña.
