Guía práctica | Facer concursos en Facebook

easypromosapp.com

Os concursos e os sorteos son unha das ferramentas máis efectivas para conseguir que aumente a comunidade de seguidores en Facebook e para que aumente o nivel de interacción coa páxina. Esquecédevos de concursos tipo “dálle a gústame e comparte e faremos un sorteo entre os participantes” ou “publica unha foto na nosa biografía e a que máis votos consiga…”. Existen aplicacións que vos permiten facer concursos en Facebook coidando o deseño, controlando a participación e obtendo información útil dos usuarios que participan.

Easypromos

easypromosapp.com

É unha das aplicacións máis populares para crear concursos en Facebook. Permítevos facer campañas a medida (conta con máis de 200 funcionalidades diferentes), analizar e medir os resultados dos concursos, escoller e subir os vosos propios deseños ou, entre outras posibilidades, xerar concursos virais a través de campañas sociais; intégrase perfectamente en Facebook, Twitter, Pinterest, Instagram e Google+.

Tedes que escoller entre promocións basic (15$ e a primeira promo gratuíta), Premium (100 $) ou Marca Blanca (250$); cada unha permítevos unhas opcións diferentes. Só tedes que rexistrarvos co voso perfil de Facebook e seguir os pasos. Podedes facer concursos de fotos, vídeos, textos, ofrecer un cupón desconto a cambio de participar… Revisade con coidado todas as opcións; podedes pedir información como nome, correo electrónico, enderezo, etc. Canta máis información pidades é probable que participen menos usuarios. Pensade que podedes usar esa información para facer un envío dunha newsletter, por exemplo. E, por suposto, non esquezades as bases legais!

Unha opción sinxela, rápida e efectiva é a de facer un sorteo entre os usuarios que comenten unha publicación. Easypromos dános ademais un certificado de validez que evita ter calquera problema cos participantes.

Trisocial

Unha alternativa a Easypromos é Trisocial. Tamén vos permite facer sorteos, concursos de relatos, de fotos, de vídeos, etc. Tamén nos dá opcións interesantes como a promo getfans na que premiamos aos usuarios que máis seguidores gañan para a páxina. O sistema de pagos é diferente ao de Easypromos; dependendo do que paguemos ao mes poderemos desfrutar de aplicacións de promocións tipo basic, premium ou marca blanca, de aplicacións de ecommerce, da ferramenta Social CRM para coñecer mellor aos vosos fans en redes sociais, etc.