A AIMC (Asociación para a investigación dos medios de comunicación) ven de publicar o Marco Xeral dos Medios en España 2015, información fundamental para o sector dos medios de comunicación e o da publicidade en España.
Antes de atender aos datos relativos ao consumo de internet fixámonos no perfil da audiencia. Escollemos os gráficos relativos a sexo e idade; botade un ollo ao informe para consultar información relacionada coa clase social ou co hábitat. No informe atoparedes ademais datos relacionados co consumo de radio e televisión.
Marco Xeral de Medios (AIMC).
Audiencia de internet
Marco Xeral de Medios (AIMC).
Aínda que xa o sabiamos non deixa de sorprendernos a evolución no consumo de internet nos últimos anos. Hoxe conectámonos sobre todo dende casa e, sorprendentemente, dende a rúa ou os medios de transporte, antes que dende o traballo ou o centro de estudos. Con que dispositivo o facemos? Hai un 80% de usuarios que se conectan dende o smartphone e un 60% que o fan dende o portátil.
Que consumimos na rede? Adicamos máis tempo ás redes sociais ou ao correo electrónico?
Marco Xeral de Medios (AIMC).
No informe atoparedes información do perfil de usuario. Destacan os usuarios de entre 25 e 44 anos e de clase media.