Boston Consulting publicaba este ano o informe “Travel Goes Mobile”, que describe a transformación do sector das viaxes a través da telefonía móbil.
O informe reflicte que aínda que o sector foi un dos primeiros afectados pola irrupción do comercio electrónico, non soubo aproveitar as vantaxes que ofrece a tecnoloxía móbil. Esta situación abriu o sector turístico ao emprendemento nun momento no que se están a definir os perfís e o comportamento dos consumidores e a súa relación coas aplicacións móbiles.
De media, un smartphone ten entre 25 e 40 aplicacións instaladas pero poucas son de axencias de viaxes. E as axencias convirten menos do 20% dos seus clientes web en usuarios de aplicacións móbiles. Ningunha app de viaxes se consolidou como referente en máis do 2% de teléfonos móbiles.
Aplicación móbil de TripAdvisor
A oportunidade para as axencias está en ofrecer servizos e experiencias personalizados. As apps xeran información sobre uso, buscas, tempo de uso, localización, gasto, preferencias, etc. Máis información significa personalizar mensaxes e experiencia de cliente na aplicación. Pode empregarse para segmentar mellor aos clientes en función da frecuencia de uso e o nivel de gasto, entre outros criterios.
Fonte: informeticplus.com.