Organizar unhas vacacións é unha tarefa que pode acabar sendo unha auténtica tolemia se non a facemos correctamente. Transporte, aloxamento, lugares que visitar, problemas que nos podemos atopar… unha infinidade de variables que hai que ter en conta á hora de planear.
Como sempre dicimos, Internet é unha gran ferramenta que nos axuda en case calquera aspecto da nosa vida, e en organizar as vacacións non podía ser menos. Hoxe recomendámosvos as mellores ferramentas que existen na rede para poder organizar as nosas viaxes de maneira adecuada.
Buscar voos, Skyscanner
Aínda que ten moitas máis características, Skyscanner é unha das mellores páxinas para buscar voos de todo tipo. Permítenos buscar escalas, ordear por prezos, por compañia…e mesmo, isto é o máis interesante, comparar os voos de todo un mes para ver cando
Para aloxamentos, Booking
Se queremos un hotel, un apartamento turístico ou unha casa que se alugue Booking é nosa mellor opción. Ten un potente buscador cun base de datos inmensa de todos os aloxamentos aos que podamos optar. O máis interesante é que en moitas ocasións desde a web hai ofertas que non se atopan noutros lados.
Organizando a maleta, Packpoint
Aínda que non é unha web senón unha app, Packpoint vénnos perfecto se non sabemos que levar na maleta cando imos de viaxe. Segundo o noso destino e o tempo que vaiamos estar, a aplicación dinos o tipo de roupa que debemos levar, comproba o tempo que vai facer, e a cantidade da mesma. Nunca nos esqueceremos do cepillo de dentes!