Todos os que usamos Windows, o sistema operativo de Microsoft, sabemos que co paso do tempo este vaise deteriorando e volvéndose cada vez máis e máis lento. Os virus, troianos e outro tipo de software malicioso adoitan ser os culpables destes incrementos de lentitude, pero tamén pode haber outros factores que afecten.
Microsoft é consciente que o seu sistema, en ocasións, vólvese inestable e complicado de usar, por iso ten publicado unha serie de consellos que poden sernos útil para corrixir a lentitude do noso sistema operativo. Estes consellos son para Windows 10, a última versión, pero a maioría poden aplicarse ás versións anteriores con pequenas variacións.
Actualizar Windows e controladores
Aínda que a maior parte das veces as actualizacións molestan, ter o sistema operativo actualizado garántenos que os buracos de seguridade e os fallos existentes estean corrixidos. Tamén é recomendable ter os controladores, os drivers, actualizados á súa última versión xa que así nos aseguramos que sexan o máis compatibles posibles.
Abre só as aplicacións que necesites
Este pode parecer un consello moi obvio, pero segundo o computador que teñamos Windows pode non manexar moi ben varias tarefas á vez, polo que é sempre aconsellable abrir só as aplicacións que necesitemos e pechar as que non esteamos a usar.
Comprobar a memoria
A memoria e o uso da CPU é algo ao que temos que botar unha ollada se o noso computador vai lento. Se o consideramos oportuno, podemos aumentar a memoria RAM para que todo vaia mellor, pero se non queremos, podemos facer uso do sistema de paxinación, que é permitir que Windows utilice o espazo libre no disco duro coma se fose unha memoria RAM.
Par activar a paxinación debemos ir a Sistema avanzado > Ver a configuración avanzada do sistema > Avanzadas > Configuración > Cambiar. Neste apartado podemos poñer un tamaño máximo do arquivo de paxinación, pero o recomendable (se temos espazo) é que dobre ou triplique a memoria RAM que temos.
Comprobar os programas do inicio
Hai programas que, debido á súa configuración, execútanse nada máis iniciar o Windows. Podemos desactivar eses programas que nos poden retardar o sistema desde o Administrador de tarefas.
Estes son só algúns consellos, pero na páxina de soporte de Microsoft podemos consultar todos os consellos que a empresa de Redmond suxire para que noso Windows vaia que dá xenio.