Cantas veces puxémonos diante do espello para bailar ou facer posicións? Seguro que unas cantas. Pois agora podemos utilizar eses ensaios para participar nun curioso experimento que está a levar a cabo Google: Move Mirror.
En que consiste? Simplemente en poñernos diante da cámara do noso computador e realizar diferentes tipos de movementos. O sistema de intelixencia artificial é capaz de recoñecer o noso corpo e comparar en tempo real o que estamos a facer con máis de 80.000 fotografías que ten o sistema almacenadas e analizadas.
Ante o experimento, Google explica que a estimación da postura ou a capacidade de detectar aos humanos e as súas poses a partir de datos de imaxes é «un dos temas máis emocionantes e difíciles da aprendizaxe automática e a visión artificial».
Neste caso, a compañía e os socios cos que desenvolveu Move Mirror empregou PoseNet, un modelo de estimación de movementos que proporciona datos de posición de alta precisión a partir de datos de imaxe. Mesmo, aseguran e así o podemos comprobar, mesmo cando esas imaxes non teñen toda a calidade desexable.
Esta ferramenta é de código aberto e permite que calquera desarrollador web poida xogar con interaccións corporais sen cámaras especiais nin bibliotecas de visión artificial máis complexas de facer. Porque si, todo ten lugar no navegador, procesándose as imaxes en tempo real no propio equipo. Esa é unha das virtudes desta tecnoloxía en continuo desenvolvemento.
Move Mirror forma parte dos AI Experiments de Google, unha forma de mostrar mediante aplicacións simples cales son as capacidades da aprendizaxe automática e a intelixencia artificial.