A tecnoloxía avanza tan rápido que en moitas ocasións non nos damos conta do que xa se pode conseguir. Un dos avances que se puxeron máis de moda son os “deep fakes”: vídeos que a través de cálculos complexos e intelixencia artificial son capaces de falsificar a cara dunha persoa nun vídeo.
Como se fan? O sistema baséase no cambio de caras que vimos nalgunhas aplicacións como Instagram ou Snapchat. É un algoritmo de aprendizaxe complexa que é capaz de estudar miles de fotos e, grazas a elas, introducilas nunha escena en vídeo falsificando, desta maneira, a presenza dunha persoa.
A tecnoloxía está bastante avanzada e, ao parecer, é bastante alcanzable para calquera, conseguindo resultados bastante cribles se non os estudamos ao detalle. O problema vén cando esta tecnoloxía utilízase para fins non demasiado legais, xa que se comezaron a ver pezas de vídeo en páxinas para adultos falsificando a cara de actrices, políticos ou persoas famosas.
Que hai que sacar en claro? Que na internet, tanto na web como nas redes sociais, temos que velo todo con espírito crítico. Estamos nunha época de grandes avances e aínda que nos pareza ciencia ficción, é posible facer case calquera cousa.