A tecnoloxía está chea de sorpresas, son os chamados easter egg que adoitan meter os programadores como curiosidades ou, porque simplemente, abúrrense no proceso de programación e queren introducir algo de orixinalidade nos seus desenvolvementos.
Nas páxinas web isto tamén ocorre e unha na que o fai máis do que pensamos é Google. O buscador ten unhas cantas curiosidades bastante divertidas que podemos atopar tan só introducindo os termos adecuados na caixa de procura.
Sonic e Super Mario
As mascotas de Sega e Nintendo están presentes no buscador. Se buscamos “Sonic The Hedgehog” ou “Super Mario Bros.” (sen comiñas os dous), na parte dereita apareceranos a información dos dous xogos cos personaxes animados.
E por se isto fose pouco, existe unha interacción con eles. Se facemos click 50 veces en Sonic este converterase en ?Super Sonic?, e se facemos click no bloque de interrogación máis de 100 veces, escoitaremos o son de vida extra que existía no xogo de Nintendo.
Tres en raia con Google
Apetécenos xogar ao tres en raia? Pois tan só temos que buscar en Google o nome en inglés: “tic-tac-toe”. Ao facelo apareceranos automaticamente o xogo no que poderemos enfrontarnos a unha intelixencia artificial creada pola empresa con diferentes dificultades. A cualificada como imposible é iso, literalmente imposible.
Google o gracioso
Se sabemos algo de inglés e temos ganas de saber cousas graciosas podemos buscar “fun fact” e o buscador responderanos con feitos graciosos de todo tipo. E nunca repetirá un.
A resposta á vida
Esta é unha referencia que só os máis duchos no tema entenderá. Se buscamos ”the answer to life, the universe and everything” (a resposta á vida, o universo e todo en inglés? Google sacará a calculadora e dirá 42, sendo este resultado unha referencia ao libro de culto “A Guía do autoestopista galáctico” onde, ese número tal cal, é a resposta ao significado da vida por unha avanzada civilización extraterrestre.