A semana do 23 de xaneiro é a marcada en vermello polos profesionais e afeccionados á creación de contidos dixitais. Mañá martes 24 de xaneiro comeza o DICO Summit 2017, o primeiro encontro internacional celebrado en Galicia e que reunirá á flor e nata da xeración de todo tipo de contidos dixitais que hai no mundo.
O encontro comeza ás 10 da mañá no Edificio CINC da Cidade da Cultura de Santiago de Compostela, e a partir desa hora comeza un carrusel de paneis, conferencias e actividades que non che podes perder. Para ter todo claro, preparamos unha pequena guía con todos os contidos do DICO Summit 2017.
Martes 24 de xaneiro
Despois da inauguración institucional da man de Mar Pereira, directora da Amtega, Jorge Algora, presidente do Cluster Audiovisual Galego, e Antonio Rodríguez, presidente do Cluster TIC Galicia, comezarán todos os relatorios, paneis e mesas deste primeiro día:
- 10:30h, Contidos dixitais nun mundo conectado: panel onde intervirán Carolina Godayol (History Channel) e Daniel Muñoz (Viacom)
- 11:00h, Plataformas de contidos e mundos conectados: José Manuel González Pacheco moderará un panel onde, en dous partes, veremos a opinión dos operadores de telecomunicacións acerca dos contidos con representantes dos propios operadores e, por outra, coñeceremos a visión dos medios, canles e plataformas.
- 13:00h, Os contidos dixitais gañan a partida: da man de Enrique Parga descubriremos como os videoxogos ou a realidade virtual son grandes plataformas para os contidos dixitais.
- 16:00h, Construíndo a base para os contidos dixitais do futuro: Antonio Rodríguez Do Curral charlará con especialistas de grandes empresas para coñecer o estado das plataformas dixitais.
- 17:00h, A produción dixital en plena era dixital: con Alfonso Sánchez (director da CRTVG) como moderador, escoitaremos grandes voces do audiovisual como Jorge Coira, Jorge Algora, Javier Branco e María José Arroxo.
Mércores 25 de xaneiro
O segundo día teremos a Juan Cividanes, director de IGAPE, realizando a apertura institucional, a cal dará paso ás seguintes charlas:
- 10:30h, DICOTUBE: do teu cámara ao mundo: da man de David Cale, gañador do premio Bitacoras.com ao mellor YouTuber do ano, falarase de como o usuario pode xerar o seu contido.
- 11:00h, A Economía tamén é dixital: Norberto Penedo, director da área de competitividade de IGAPE, moderará unha mesa con representantes de diversos sectores ecnómicos de Galicia.
- :30h, O turista dixital: viaxes, cultura e patrimonio a un click de distancia: Manuel Meijide de Ilux Visual Technologies falará de como a tecnoloxía pode axudar ao fomento do turismo.
- 13:00h, A educación do futuro busca contidos: este panel centrarase no sector educativo e como é un gran consumidor de contidos.
- 13:30h, Emprender no mundo dos contidos dixitais: Que entidades pódennos axudar a emprender? Nesta mesa coñeceremos as opcións.
- 14:00h, Entrega de premios ?Na procura do talento dixital?
- 14:30h: Román Rodríguez, Conselleiro de Cultura, Educación e Ordenación Universitaria, Mar Pereira, Directora da Amtega, Jorge Algora, presidente do Cluster Audiovisual Galego, e Antonio Rodríguez, presidente do Cluster TIC Galicia realizarán clausúraa do DICO Summit 2017.
Se queres máis información acerca de cada un dos relatorios, podes cosultar a web do encontro: http://www.dicosummit.gal/