Sabías que no ano 2008 só o 36,7% dos fogares da Comunidade tiña contratado o servizo de internet fronte ao 56,3% que o ten contratado en 2012?
Hoxe traémosche a Xente Dixital unha infografía sobre o estado da Sociedade da Información en Galicia, con datos que, ben seguro, descoñecías.
Logo da infografía tamén che deixamos en forma de apuntes uns datos de interese
- O ritmo de crecemento do servizo de internet nos fogares é superior ao estatal (33,1%) e ao europeo (25%) durante o mesmo período.
- Nos 58 municipios con máis de 10000 habitantes supérase a media galega de contratación a Internet
- Só o 6% dos fogares galegos indican que non teñen internet contratada porque non é posible acceder ao servizo no lugar onde teñen a vivenda
- En 7 de cada 10 fogares onde residen rapaces de 3 a 16 anos supéranse en máis 15 puntos as porcentaxes do uso de ordenador e internet que se rexistran noutro tipo de fogar
- Galicia supera a media estatal e europea en interacción coas Administracións públicas a través de Internet. Un 47,7% dos galegos descargou formularios oficiais (6,7 puntos máis que a media estatal e 12,7 puntos por riba da media europea). Un 40,7% enviou formularios cumprimentados a través de Internet (8,5 puntos por riba da media estatal e 12,7 puntos por riba da media europea)