Despois de falar de contidos dixitais e da banca do futuro, o tema no mes de xullo da campaña “1 mes, 1 profesión dixital” será o ámbito sociosanitario. A cita será o próximo 28 de xullo entre as 10:30 e as 14:00 h. na Cidade da Cultura, en Santiago. Podedes inscribirvos ou seguir a xornada por streaming aquí.
Na lista de temas están a atención xerontolóxica e xeriátrica dixital, o fogar dixital e a consulta médica non presencial, o big data e as apps sociosanitarias. O último punto na orde do día será un debate sobre o futuro do sector. Deixámosvos o programa completo.