Existen as apps para comunicarnos con amigos e familiares, para axudarnos na organización e xestión do noso traballo, para editar e compartir fotos e vídeos…, e para disfrazarse. O Entroido está arrancando e en Xente Dixital descargamos 3 aplicacións para axudarvos a escoller un disfraz.
Ideas para disfraces
App para Android que ofrece unha importante variedade de ideas de disfraces para adultos e nenos, para o Entroido, e incluso ideas para disfraces caseiros. Aínda non sabedes de que vos ides disfrazar?
Foto disfraz
Ademais de darnos ideas, esta aplicación permítenos disfrazarnos sen saír do móbil. Tendes que facer unha foto ou escoller unha das da galería e despois facer a montaxe escollendo unha das moitas plantillas da app. Dispoñemos de máis de 200 estilos distintos clasificados por categorías: infantís, personaxes de cine, máscaras, etc.
Vestir personaxes
Os usuarios de iOS poden descargar esta divertida app infantil. O obxectivo é aprender e divertirse mentres se disfraza ás personaxes (princesas, bruxas, fadas, vampiros, etc.) cunha chea de prendas e accesorios diferentes.