Esta semana, Javier Álvarez Osuna (CTO de Imaxdi), dicíanos que “debemos dispoñer de ferramentas que nos permitan controlar a nosa saúde”. Esas ferramentas comezan a chegar ás nosas mans en forma de aplicacións para os dispositivos móbiles. Achegámonos a 3 das máis populares, dispoñibles para Android e iOS:
QuitNow!
Aplicación que lle bota unha man aos que queiran deixar de fumar. Danos información dos días que levamos sen fumar, dos cartos e do tempo aforrados, información de saúde, etc. Imos superando fitos que nos dan a motivación necesaria para seguir adiante: “5 cigarros non fumados”, “deixache de fumar 20 cigarros”, “unha semana sen fumar”, etc. Podemos compartir os logros nas redes sociais.
Runtastic
Correr é un dos deportes máis baratos e saudables. Runtastic axúdanos a controlar distancia, tempo, velocidade, calorías consumidas, ritmo, etc. Incluso podemos recibir esa información a través dos auriculares do noso smartphone. Na páxina web podemos ver a evolución dos nosos entrenamentos, marcar novos obxectivos, etc.
Runtastic Heart Rate
Permítenos revisar o noso ritmo cardíaco antes ou despois de facer exercicio, ou xusto antes dunha xuntanza importante. A aplicación mide o noso pulso a través do sensor da cámara do smartphone. A propia app advírtenos de que non é un produto médico polo que non está indicada para controlar algúns problemas de saúde.