Tedes o Carné Xove? Está dispoñible para todas as mozas e mozos de entre 12 e 30 anos. Se queredes saber como facelo, onde empregalo ou como converterse en establecemento adherido, facede clic aquí.
O Carné Xove permítevos obter descontos e vantaxes das entidades colaboradoras en Galicia, no resto das comunidades autónomas e nos 40 países europeos adheridos ao programa, agás excepcións propias de cada comunidade ou país.
Se sodes usuarios de Android, descargade a app na que podedes consultar información actualizada para tirar o máximo proveito posible do carné. Podedes buscar servizos ou tendas próximas que ofrezan descontos e ofertas. Facede unha busca filtrando localización e tipo de servizo que ofrecen os establecementos.
Ademais, os usuarios recibiredes alertas no móbil ou na tablet sobre novidades, promocións e ofertas. A que agardades para descargala?